لقاح الانفلونزا الموسمى

تعالوا نتكلم النهارده عن لقاح الانفلونزا الموسمى

اللقاح الى نزل السنه دى هو ال vaxigrip استيراد من فرنسا سعره فى الوقت الحالى 65 جنيه

هو عباره عن فيرس الانفلونزا ميت او ضعيف او اجزاء منه فقط و دول كافين انهم يدفعوا الجسم انه ينتج اجسام مضاده تدافع عنه

طيب امتى ناخد اللقاح من شهر 9 لغايه نهايه شهر 11

طيب مين الاشخاص الى بنرشح انهم ياخدوا اللقاح :-

1- الاطفال من عمر ٦ شهور لعمر ٥ سنين لتكرار الاصابه بالانفلونزا

2- الحوامل و المرضعات

3- الناس الى شغاله فى المستشفيات و مراكز الرعايه الطبيه

4-الاشخاص فوق سن ال ٦٥ سنه

5- مرضى نقص المناعه وال HIv

6- اى شخص ممكن ياخده كوقايه من الانفلونزا ومش لازم يكون من الحاجات الى فوق دى

7- المصابين بالامراض المزمنه زى الضغط و السكر و امراض الجهاز التنفسى

طيب مين مينفعش ياخد اللقاح :-

1-الناس الى عندهم حساسيه من اى مكون من مكوناته زى البيض

2-الناس الى عندهم حساسيه من المضاد الحيوى neomycin

3- الى عندهم ارتفاح فى درجه الحراره نتيجه عدوى بكتيريه او فيروسيه

طيب الجرعه ازاى :-

1-الاطفال من عمر 6 شهور وحتى 3 سنين هياخد نص الحقنه فقط

2- الاطفال من 3 سنين لما فوق بياخد جرعه كامله

3- الاطفال الى اول مره ياخدوا اللقاح يفضل انه يتكرر مره تانيه بعد شهر

4-الكبار هياخدوا جرعه واحده ومش هتتكرر

طبعا ممكن بعد ما ناخد اللقاح ممكن نتصاب بالبرد عادى بس النسبه بتبقى قليله جدا جدا لان مفيش حاجه فعاله بنسبه ١٠٠%

الحقنه بيتاخد فى العضل او تحت الجلد بشكل عميق شويه💉💉

ممكن نعانى من بعض السخونة او اعراض برد بسيطه بعد اخد اللقاح