هو لسة فيه أمهات متعرفش ان الشكل ده طبيعي في الأطفال اللي أقل من سنتين ونص وان الطفل معندوش كساح ولا حاجة وان كل الكالسيوم اللي عمالة تديهوله ده ملوش لزمة بالعكس بيضر أكتر ما يفيد ..
التقوس ده في الغالب الطفل بيتولد بيه ويكون الناحيتين شبه بعض على شكل قوس ناعم كده ويبدأ يتحسن لما الطفل يمشي لحد ما يوصل سنتين او سنتين ونص يتعدل تماما ..
ما تديش لابنك او بنتك كالسيوم غير لو عاملة تحليل ومحتاج فعلا .. المهم في السن ده هو فيتامين د .. 400 وحدة دولية اول سنة و 600 وحدة دولية بعد السنة الاولانية ..
الأم اللي عندها طفل بالشكل ده محتاجين نزور دكتور العظام عشان يطمنا بس بالأشعة والتحاليل ان دا النوع الطبيعي مش النوع المرضي اللي محتاج تدخل ..
